Нөнәгәр мәктбе шугалагында Яңа ел бәйрәме (фото)

10.01.2017 08:16 | Мәгариф Принтерга

Нөнәгәр мәктбе шугалагында Яңа ел бәйрәме (фото)
Кышкы каникуллар тәмамланырга санаулы гына көннәр калганда, 7 нче гыйнвар көнне кичен Нөнәгәр урта мәктәбе шугалагында Яңа ел бәйрәме оештырылды.
Бәйрәмне карарга дип әти-әниләрнең , авыл халкы һәм күрше- тирә авыллардан җанатарлар килүе куандырды.

Программага шорт-трек, эстафета, капкага шайба кертү, хоккей ярышлары кертелде. Хоккей турнирында 4 команда катнашты. Ике команда авыл яшьләреннән торган “Авыл яшьләре”, “Татарстан” һәм мәктәп укучыларының “Ак барс”, “Корыч ” командалары матур уен күрсәтте. Хоккей турнирының һәр периоды арасында тимераякта төрле ярышлар үткәрелде. Шорт-трек ярышында һәр сыйныфтан 1әр малай, 1әр кыз катнашты, җиңүчеләр билгеләнде. Тимераякта үткәрелгән эстафета ярышында һәр сыйныфтан 3әр малай, 3әр кыз катнашып гаҗәеп ярыш күрсәттеләр. Башлангыч сыйныф укучыларының да бозда очып йөрүләре һәм аларның капкага шайба кертү ярышында иң күп очко җыюлары һәркемне сокландырды. Һәр төр ярышта укучылар медальләр белән бүләкләнде. Бәйрәмне алып баруда Кыш бабай белән Кар кызының катнашуы шугалактагы уеннарга үзенә бер төрле ямь өстәде.
 
 

Тәнзилә Габрахманова
тәрбия эшләре буенча директор урынбасары
 


Будь в курсе последних событий! Читай tatmedia.ru


Фикереңне яз


Робот түгелдерсез бит?
Яңарту