Бәйрәмнән алган тәэсирләр. Ихластан сөенделәр

30.12.2014 18:07 | Төрлесе Принтерга

Бәйрәмнән алган тәэсирләр. Ихластан сөенделәр
“22нче декабрь көнне “Хыял” яшьләр үзәгендә районның мөмкинлекләре чикле һәм тәрбиягә алынган балалары өчен үткәрелгән Яңа ел бәйрәменнән алган матур кичерешләрне әле дә сагынып искә алабыз. 
Безнең мондый чарага беренче тапкыр килүебез иде. Андагы бәйрәм атмосферасы, оештыручыларның ихласлыгы, шул сабыйларның күңелләрен күреп, чын йөрәктән тырышулары без, балаларның әти-әниләре һәм әбиләре өчен дә зур сөенеч булды. Клоуннар коляскалы яки йөри алмаучы балалар янына килеп махсус уеннар оештырып йөрделәр.
 
Казаннан килгән артистларның тамашалары да искиткеч булды. Бу бәйрәмдә бер бала да игътибарсыз калмагандыр, диясем килә. Безнең балаларыбызны шулай сөендергәннәре өчен район социаль яклау бүлеге хезмәткәрләренә, бәйрәмне оештыручыларга рәхмәт хисләрен белдерәбез”, - дип хәбәр итте Балтач бистәсеннән Ясминә исемле кызчыкның әбисе.


Будь в курсе последних событий! Читай tatmedia.ru


Фикереңне яз


Робот түгелдерсез бит?
Яңарту