2020 елда Татарстанда 40 мең балага ана капиталы бирү күздә тотыла

Россия Пенсия фонды ТР буенча бүлегенең социаль түләүләр бүлеге башлыгы Гөлсинә Сабирова белдерүенчә, быел Татарстанда ана капиталы түләү өчен 13 миллиард сумга якын акча сарыф итәргә ниятлиләр.

Ул узган елда Татарстанда ана капиталы бирү өчен федераль бюджеттан 9 миллиард сумга якын акча бүленгән булса, 2020 елда  13 миллиард сумга якын акча сарыф итү күздә тотыла.

 Россия Президенты Владимир Путин Федераль җыенга юлламасында ана капиталы программасын 2026 елга кадәр озайту һәм беренче бала туган гаиләләргә ярдәм күрсәтеләчәге хакында белдергән иде. Шул хактагы закон 1 мартта имзаланды.

Илдә туучылар санын арттыру - Россия Федерациясе Президенты Владимир Путин инициативасы буенча 2019 елның гыйнварыннан гамәлгә ашырыла торган «Демография» илкүләм проектындагы өстенлекле бурычларның берсе.