Бәхетле картлыкка лаек ул

Үзе дә тормыш иптәше Нурания белән биш бала үстереп, югары белемле итә. Үрнәк училищесын тәмамлаганнан соң, туган колхозында комбайнда эшли. Кортчы булып эшләгән елларында да бер дә сынатмый. Электрчы булып алты авылның багана башларында күп йөрергә туры килә аңа. Кемнәр генә мөрәҗәгать итсә дә, берсен дә кире бормый ул. Сәгать, сепарат, телевизор, тузан суырткычларны шул арада сафка бастыра. Гомумән, нинди генә эшкә алынса да, җиренә җиткереп башкара. Лаеклы ялга чыккач та күп еллар авыл халкын су белән тәэмин итеп тора. Әти-әни кадерен белеп, гаилә, бала хакын хаклап, туганнарын хөрмәт итеп яши ул. Изгелек җирдә ятмый, ди халык. Улы Рафил тәрбиясендә бүгенге бәхетле картлыгы да шуның нәтиҗәседер.