Бөрбашта яшәүче Абдрахмановлар инде бәрәңге ашый (видео, фото)

Бөрбашта яшәүче Илгизәр Абдрахманов районны гына түгел, бөтен республиканы шаккатырды. Ничек итеп дисезме? Май аенда үзе үстергән бәрәңгеләрне ашап.

Шаяртмыйбыз. Чын дөрес. «Элек яңа бәрәңгене августта ашый идек, аннары июльгә күчте, соңгы арада июньгә күчте. Ә менә быел тагын да иртәрәк ашыйсы килде бит. Теплицага иртәрәк утыртып, шушындый бәрәңгеләр барлыкка килде. Бу „Армада“ сорты. Безнең хыял тормышка ашты», — дип әлеге сөенечле минутларны видеога да төшереп алган.

Тырышкан табар, ди халык мәкале. Хак сүзләр.