Эксперт РФ Конституциясенә төзәтмә турында: табигать дөньясын сакларга кирәк — ул уникаль

(Казан, 18 июнь, «Татар-информ»). Россия Федерациясе Конституциясенә әйләнә-тирә мохитне саклау турындагы төзәтмә кешенең табигатькә йогынтысын киметергә ярдәм итәчәк. Бу турыда КФУ Экология һәм табигатьтән файдалану институтының метеорология, климатология һәм атмосфера экологиясе кафедрасы мөдире Юрий Переведенцев белдерде.

«Һичшиксез, мин бары тик "риза"! Табигый дөньяны сакларга кирәк, ул бит уникаль һәм йогынтылрга буйсынучан. Хәзер бездә ниләр бар? Кешенең табигый мохиткә көчле йогынты ясавы аркасында парник газлары бик зур чыгарыла нәтиҗәдә океаннар оксидлаша,", - дип билгеләп үтте профессор.

Шулай ук Переведенцев кешеләр гаебе белән, парник эффекты аркасында глобаль һава температурасы ике градуска артырга мөмкин, бу бөтен планета өчен бик начар, дип белдерде.

РФ Конституциясенең 114 нче маддәсенә төзәтмә нигезендә, Хөкүмәт гражданнар тормышы өчен уңай шартлар тудыру һәм әйләнә-тирә мохиткә хуҗалык һәм теләсә нинди башка эшчәнлекнең тискәре йогынтысын киметү буенча чараларны тормышка ашырачак.