Көпә-көндез җиде кеше янып үлсен әле!

Тукай районының Сәет авылында коточкыч янгын чыга. Авылдашлары шок хәлендә. Бөтен кеше аптырашта.

— Алар сигез кеше бер йортта яши иделәр. Әниләре Гүзәлия, улы, кызы, кияве, оныклары белән бергә торды. Уллары Илмир өйләнмәгән иде әле. Ә менә кызлары Илмира мәктәпне тәмамлауга кияүгә чыгып куйды. Айнур белән матур гына яшиләр иде алар. Дүрт балалары булды. Ике зурысы коррекцион мәктәптә укый иде. Өченче сабый быел шул мәктәпкә укырга барасы булган. Кечесенә 5 яшьләр тирәсе генә әле, — ди исемен әйтергә теләмәгән авылдашлары.

Бик кызганыч хәл. Сабыйларның әниләре Илмира тавык ашатырга дип чыккан булган. Шул арада ничек йортларына ут капкандыр.

Чыганак