Курмалалылар күпме сусыз тилмерер? – 2. Кайтаваз. (фото)

- Авылның урта тирәсендә су бетми, ләкин югары очына менеп җитми. Ул якта яшәүчеләр җыелыш булганда тавыш чыгардылар, анда Балтач шәһәр җирлеге башлыгы да, хисап палатасыннан Равил Кәримов та, Көектән депутат Фәнис Шәрипов та бар иде, ләкин ул кеше юк иде. Суга акча җыярга кирәк дигәненә генә килгән иде. Сез телгә алган шәхси эшмәкәр хәзер авылдагы фермага маллар да алып кайтып җибәрде. Ферма түбән очта урнашкан, анда да су кирәк бит. Гектарлаган теплицалары да сусыз «яши» алмый. Су башнясы 30 йортлык авылга дип куелган иде, хәзер йортлар да 45ләптер инде + теплица + ферма. Менә шундый хәлләр авылыбызда. Кайчан очына чыгарбыз бу проблемабызның, ансы әлегә билгесез, - дип язылган иде кайтавазда.