Кускем авылының киләчәге бармы (фото)

Араларында башлангыч сыйнфта укучылар да, зуррак балалар да, бакча яшендәгеләре дә бар. Урамнан бер-берләре белән кулга-кул тотынып, бик җылы мөнәсәбәттә аралашып атлаулары игътибарыбызны җәлеп итте. Чит кеше булганга баштарак ят итеп карасалар да, кайдан булуыбызны әйткәч ачылып китеп сөйләштеләр үзләре.

Авылда бернинди дә социаль объектлар юк. Шуңа да транспорты булганнар балаларын Дорга балалар бакчасына йөртә икән. Укырга Чепья мәктәбенә йөриләр.

- Элегрәк бик авыр иде, маршрут автобуслары туктагач, мәктәпкә йөрү авырлашты, хәзер мәктәп автобусы килеп ала, кайтарып куя, балалар өчен җаныбыз тыныч, - диләр әти-әниләр.

Эш булмагач, яшьләр нигездә читкә китә. Әмма авылда төпләнеп калучылар да бар икән. Камашевлар, Колесниковлар, Даниловлар шундыйлардан. Бүген бу гаиләләрдә 2-3әр бала үсә. Юлыбызда очраган Вадим Камаевта та туган авылының киләчәге бар, дип саный. Чепья мәктәбенең тугызынчы сыйныфын тәмамлагач, Вадим күрше Малмыж районы Чавал техникумының техник-механик белгечлеге буенча укырга керә. Аралашучан бу ачык егет үзенең киләчәген туган ягы белән бәйләнүен әйтте.