Патриотик хисләр тәрбияләү

Ильнур, 5 март 2016 - 15:46

2950

Район ЗАГС бүлеге бинасында 14 яше тулган балтачлыларга тантаналы шартларда паспорт тапшыру традияциясе дәвам итә.

26 февраль көнне дә 5 егет һәм кыз әнә шундый тәртиптә паспорт алдылар. Бу көнгә кадәр кулында беренче документ - туу турында таныклык кына булган яшьләребез өчен төп документ - паспорт алу зур вакыйга. Россия һәм Татарстан флагы, герб һәм гимны, Балтачыбыз флаг-гербы белән якыннан таныштыру, туган илне, кече Ватаныңны танып белү, патриотик хисләр тәрбияләүнең бик үтемле ысулы. Олы, мөстәкыйль тормыш юлына тәүге адымнарын ясаучы яшь егет-кызларыбызга чакырылган кунаклар, ЗАГС бүлеге хезмәткәрләре, әти-әниләре тарафыннан бик күп җылы теләкләр әйтелде.