Һәркем үз яшәү җирлегендә халыкка хезмәт күрсәтү сыйфатын бәяли ала

Сораштырулар формасы ТР Икътисад министрлыгы сайтына урнаштырылган (http://mert.tatarstan.ru/opros22.htm).

Шул ук вакытта сораштырулар баннеры ТР Хөкүмәтенең рәсми порталында, муниципаль берәмлекләр порталларында да, шәһәр округлары һәм муниципаль районнарның официаль сайтларында да бар. Әлеге тикшерүләрнең төп максаты - халыкның җирле хакимияттән һәм җирлектә урнашкан оешмалар эшчәнлегеннән ни дәрәҗәдә канәгать икәнлекләрен билгеләү. Татартсанлыларның әлеге сораштыруда катнашулары җитәкчеләрнең дә эшен ачыктан-ачык бәяләргә мөмкинлек бирәчәк. Сораштырулар аноним, аның нәтиҗәләре җирле үзидарә органнарының, халыкка хезмәт күрсәтүче предприятиеләрнең эшчәнлек нәтиҗәлелеген тагын да арттырырга ярдәм итәчәк. Җавап биргәндә чиновникларның эшчәнлеген һәм башка белгечләрнең эшләренә дә бәя бирү кирәк.