Хезмәт

Балтач районы

18+
Җәмгыять

Татарстанда «Форум лигасы» Студентлар белем бирү форумы башлана

Бүген, 15 августта, Татарстанда «Форум лигасы» Студентлар белем бирү форумы башлана.

Анда илнең 58 төбәгеннән 1,2 мең урта һөнәри һәм югары уку йортлары студентлары җыелачак, дип хәбәр итә оештыручылар.

Форумның беренче сменасы (ул «Профессионаллар» дип атала) Биләр тыюлыгы территориясендә ачыла. Сменада Россиянең 120 һөнәри белем бирү оешмасыннан 400 студент катнашачак. Алар үзләрендә лидерлык һәм инициативалылык күнекмәләрен үстерә, стратегик фикер йөртү сәләтен формалаштыра, командалар белән идарә итәргә, партнерлар белән хезмәттәшлек итәргә өйрәнә, креативлык күнекмәләрен булдыра һәм бизнес-проектларын гамәлгә ашыра алачак.

Бу көнне форум мәйданчыгы буйлап тур оештырылачак, шулай ук сменаның программасы һәм чаралар планы тәкъдим ителәчәк.

Быел форум өч смена форматында 15-31 августта үткәрелә, ул Россиянең барлык югары һәм һөнәри белем бирү оешмаларын берләштерер дип көтелә. Сменалар өч максатчан аудиториягә (һөнәри белем бирү оешмалары студентлары өчен - «Профессионаллар», югары уку йортларында белем алучылар өчен - «Университетлар» һәм барлык уку йортлары студентлары өчен – «Берләшмәләр») бүленгән

чыганак

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев