Балтач җитәкчелеге райондаш студентлар белән очрашуны дәвам итә

Казан федераль университетында Балтач районы җитәкчелеге киләчәктә укытучы һөнәрен сайлаган районыбыз студентлары белән очрашты. 

Балтач районы югары уку йортлары белән хезмәттәшлек буенча лидер районнарның берсе булып тора.

Балтач районы башкарма комитетының яшьләр һәм спорт бүлеге җитәкчесе Рөстәм Заһидуллин әйтүенчә, районда студентларда зур потенциал бар һәм аларны тормышка ашыру өчен барлык шартларны тудыруга омтылалар. Аларның максаты — яшь белгечләрне җәлеп итү генә түгел, ә уңайлы мохит булдырып, яңа идеяләр тәкъдим итү һәм туган як үсешенә катнашу.