Балтачлылар VII Бөтендөнья татар яшьләре форумында катнаша (фото)

Ильнур, 5 август 2016 - 08:33

2506

4 августта Казанда VII Бөтендөнья татар яшьләре форумы башланды.

Балтачлылар VII Бөтендөнья татар яшьләре форумында катнаша (фото)

Форумга быел 30 чит илдән, Россиянең 60 төбәгеннән һәм Татарстан районарыннан 900 делегат катнаша, алар туган телебезне, татар мохитен саклауга юнәлтелгән эшчәнлекләре белән таныштыра һәм тәҗрибә уртаклаша.

Делегетлар арасында безнең районнан башкарма комитеты җитәкчесе урынбасары Илһам Гайнетдинов, Җәмил Мәрданов, Рафил Шәфигуллин, Дилә Гарипова һәм каләмдәшебез, Яңа Салавыч авылы кызы Ландын Гарифуллина да бар. Без исә инде форумда берничә ел рәттән катнашучы Ландыш Гарифуллина белән телефон аша элемтәгә чыктык.

- Дүрт көнлек форум барышында татар теле, татар милләтенә кагылышлы фикер алышулар, бер-берең белән танышу, төрле секцияләрдә тәҗрибә уртаклашу каралган. Кичләрен концертлар, төрле күңел ачу чаралары үтә. Шимбә көнне Арчада шәһәр бәйрәмендә катнашу көтелә, Кырлайга сәяхәт ясаячакбыз. Якшәмбе исә Болгар шәһәренә, Казанда Печән базарына барачакбыз, - ди Ландыш.