Чутайдан Гөлбану Муллагалиева: “Хөрмәтләре өчен рәхмәт!”

Ильнур, 13 март 2015 - 12:22

2434

Авылыбызда ветераннарга медаль тапшыру тантанасы онытылмаслык булды. "Кызыл юл" җәмгыяте ярдәме, Чутай мәдәният йорты һәм китапханәче кызлар тырышлыгы белән бәйрәм табыны әзерләнгән иде.

Ул телләрне йотарлык мантый, коймак, пироглар дисеңме?.. Авылыбыз үзешчәннәренең җыр-биюләре, араларында онык-оныкчыкларыбыз булган мәктәп укучыларының концерты да һәркайсыбыз күңеленә хуш килде. Барлык ветераннарга да күчтәнәч пакетлар бирделәр, бәйрәм табынына килә алмаганнарның өйләренә барып өләштеләр. Беркем дә читтә калмады. Җитәкчеләргә, хөкүмәтебезгә хөрмәтләре өчен рәхмәт!