«Гаилә» цифрлы ярдәмчесе эшли башлады

Татарстанда ЗАГС хезмәтләре өчен «Гаилә» цифрлы ярдәмчесен эшләтеп җибәрделәр. Цифрлы гаилә ярдәмчесе гражданнарга нәрсә белән ярдәм итә?

• Яшь парларга гариза бирүнең адымлы алгоритмын төзиячәк һәм документларны тикшерәчәк.
• Яшь әти-әниләргә бала тууны бала тудыру йортыннан ук ничек теркәргә икәнен күрсәтер.
• Гражданнарга кабат таныклыкларны, архив белешмәләрен ничек алырга, дәүләт пошлинасын түләргә яки кабул итүгә язылырга һәм шулай ук гражданлык хәле актларын теркәү белән бәйле күп кенә сорауларга җавап бирәчәк.

Татарстан Республикасы Министрлар Кабинетының ЗАГС идарәсе яңа интеллектуаль ассистент кертте. Ул тәүлек буе республика халкының гаилә һәм документлар турындагы сорауларына җавап бирәчәк.

«Гаилә»нең виртуаль консультанты МАКС платформасында эшли – max. ru/zags_rt_bot,  шулай ук аңа ТР Министрлар Кабинетының ЗАГС идарәсе сайты аша да күчәргә мөмкин.

Район тормышына кагылышлы иң мөһим яңалыкларны безнең Макс каналыннан да белә аласыз!