Казан галимнәре ай ресурсларын үзләштерү өстендә эшлиләр

Татарстанда зур күләмле ай тикшеренүләре үткәрелә, дип хәбәр итә «Вести Татарстан». Казан астрономнары җирнең табигый иярчененең файдалы ресурсларын үзләштерү буенча беренчеләрдән булуны максат итеп куялар.

Энгельгардт исемендәге Астрономия обсерваториясенең фәнни җитәкчесе Юрий Нефедьев аның әтисе, Анатолий Нефедьев, айның либрация зонасының беренче карталарын төзүе һәм Көньяк полюстагы зур кратерның аның исеме белән аталуы турында сөйләде. Бүген галимнәр Айны яңа дәрәҗәдә тикшерәләр. Төп бурычларның берсе — айның файдалы ресурслар тупланган районнарын теоретик модельләштерү.

Тикшеренүчеләр шулай ук айга төгәл утырту проблемасы өстендә эшлиләр. Әгәр дә космик аппарат тауга эләксә, ул ватылачак, шуңа күрә галимнәр максатка 100 метр төгәллек белән булса да ирешергә омтыла. Икенче бурыч – ГЛОНАСС системасын ай орбитасына кадәр җиткерү, дип өстәде Нефедьев.

Татар-информ