Казанда «Буран» планы 2 февраль төн уртасына кадәр дәвам итәр дип көтелә

Кичә Татарстан башкаласында идарәче компанияләр ишегалларын кардан чистартуга 156 машина чыгарган – бу гадәттәгедән ике тапкырга күбрәк. Шулай ук ишегалды территорияләрендә 1047 дворник тәртип урнаштыра, дип хәбәр итә Казан мэриясенең матбугат хезмәте шәһәр торак-коммуналь хуҗалыгы комитеты мәгълүматларына сылтама белән.

Идарәче компанияләр хезмәткәрләре тротуарларны, керү юлларын һәм ишегалларыннан чыгу юлларын чистарта, машина кую һәм подъездларга керү юлларын бушата. Кар төшмәсен өчен түбәләрдән карларны һәм бозны чистарталар.

Махсус техника көчәйтелгән режимда эшли, ә ул үтә алмаган урыннарда ярдәмгә кешеләр килә. Голубятников, Челюскин, Бертуган Касимовлар һәм башка урамнардагы ишегалларында кар чистартырга җирле халык кушыла. Шәһәр кешеләре автомобильләр узарга комачаулый торган карны җыештыра, дип билгеләделәр мэриядә.

Кичә Казанда «Буран» планы игълан ителде. Аның гамәлдә булуы 2 февраль төн уртасына кадәр дәвам итәр дип көтелә. Узган тәүлектә шәһәр урамнарыннан 26,5 мең тонна кар чыгарылган.

Моңа кадәр синоптиклар Татарстанда алты көн эчендә айлык нормадан күбрәк явым-төшем булырга мөмкин дип кисәткәннәр иде. 1 февральдә, республикага янә бураннар булачак.

Татар-информ