Нәтиҗәләр югары, планнар да зурдан

Район башлыгы Рамил Рәшитович белән Мидхәт Рәфкатович «Тулпар» кооперативы эшчәнлеге белән таныштылар. Кооператив рәисе Рифат Закиров үзләре җитештерә торган продукцияләр, эшләү алымнары турында сөйләп, киләчәккә булган планнары белән дә бүлеште.

«Тулпар» кооперативыннан соң Рамил Рәшитович белән Мидхәт Рәфкатович «Кызыл юл» хуҗалыгының мегафермасына һәм рапс мае җитештерү цехына юнәлделәр. Биредә аларны хуҗалык җитәкчесе Фердинанд Хәйруллин каршы алып, елдан-ел заманлаша барган терлекчелек тармагындагы нәтиҗәләре, бүгенге көндә башкарыла торган төзелеш эшләре һәм алга куелган максат-бурычлары хакында әйтеп узды. 

Мәдәният йортының фойесында кунакларны Нөнәгәр авыл җирлегенең уңган халкы тырышлыгы белән төзелгән бик бай эчтәлекле күргәзмәсе каршы алды.

Район Советы утырышы район башлыгы, район Советы рәисе Рамил Нотфуллинның 2024 ел йомгакларына багышланган күләмле чыгышы белән башланып китте. Ул районның 2024 елдагы социаль-икътисадый үсеш нәтиҗәләре һәм 2025 елга куелган бурычлар турында сөйләде. Азактан бертөркем райондашларыбызга хезмәттәге уңышлары өчен дәүләт бүләкләре тапшырылды. 

Күпьеллык нәтиҗәле хезмәте, җирле үзидарә органнары эшчәнлеген үстерүгә лаеклы өлеш керткәне өчен «Татарстан Республикасында җирле үзидарәне үстерүдәге казанышлары өчен» медале белән Пыжмара авыл җирлеге башлыгы Рафил Хәлип улы Җәләев бүләкләнде.
* * *
Күпьеллык нәтиҗәле хез-мәте, мәдәниятне үстерүгә зур өлеш керткәне өчен «Татарстан Республикасының Атказанган мәдәният хезмәткәре» мактаулы исеме «Балтач үзәкләштерелгән авыл клублары челтәренең» Субаш авылы мәдәният йорты директоры Хәлил Равис улы Фәезовка бирелде.
* * *
Татарстан Республикасы Рәисе Рөстәм Нургали улы Миңнеханов рәхмәтен белдерә:
— Озак еллар нәтиҗәле хезмәте, район үсешенә зур өлеш керткәне өчен «Балтач» кулланучылар җәмгыяте идарәсе рәисе Рафил Галәветдин улы Хисамиевка;
— Озак еллар намуслы, нәтиҗәле хезмәте һәм мәгариф өлкәсе үсешенә зур өлеш керткәне өчен хезмәт ветераны Люция Харис кызы Закировага;
— Озак еллар нәтиҗәле хезмәте, җирле үзидарә органнарын һәм финанс сис-темасын үстерүгә зур өлеш керткәне өчен хезмәт ветераны Рафис Мәгъсүм улы Ильясовка.
* * *
Күпьеллык нәтиҗәле хезмәте һәм авыл хуҗалыгы үсешенә керткән зур өлеше өчен Татарстан Республикасы Министрлар Кабинетының Рәхмәт хаты Тимирязев исемендәге җәмгыять шоферы Рөстәм Мөхәммәт улы Хисаметдиновка бирелде.
* * *
Озак еллар намуслы хезмәтләре, кече һәм урта эшмәкәрлек үсешенә зур өлеш керткәннәре өчен Татарстан Республикасы Икътисад министрының Рәхмәте белдерелде:
— Балтач районы эшмәкәрләр Советы рәисе Раиф Нәкыйп улы Гафиуллинга;
— Район икътисад бүлеге җитәкчесе Руслан Альберт улы Михайловка.
* * *
Нәтиҗәле хезмәте һәм торак-коммуналь хуҗалыгы үсешенә өлеш керткәне өчен Россия Федерациясе Төзелеш һәм торак-коммуналь хуҗалык министрлыгы Рәхмәтен «Балтач күптармаклы торак-коммуналь хуҗалыгы җитештерү предприятиесе» акционер җәмгыятенең хисапчысы Ләйсән Мансур кызы Хөсәеновага белдерде.
* * *
Мобилизацияләнгән гражданнарга ярдәм күрсәтүдә зур өлеш керткәне өчен «Татарстан Республикасы Муниципаль берәмлекләре Советы» Ассоциациясенең Рәхмәт хаты белән район волонтерлык хәрәкәте алдынгысы Илшат Әгъләм улы Солтанов бүләкләнде.
* * *
Күпьеллык нәтиҗәле хезмәте һәм авыл хуҗалыгы үсешенә керткән зур өлеше өчен Россия Федерациясе Агросәнәгать комплексы хезмәткәрләренең һөнәри берлеге Үзәк комитетының Мактау таныклыгы белән Балтач Авыл хуҗалыгы һәм азык-төлек идарәсе белгече Ришат Мансур улы Нуриев бүләкләнде.