Рөстәм Миңнеханов бензин белән булган шау-шу аркасында автомобильләргә бензин салу станцияләрен даими тикшерергә кушты
Бүгенге көндә ягулык станцияләренә ягулык кайтару график буенча бара. Запас җитәрлек
Соңгы көннәрдә Казанның автозаправка станцияләрендә ягулыкка ихтыяҗ арту күзәтелә. Шуңа бәйле рәвештә аның кайбер АЗСларга китерү күләме арттырылды, әмма бу киеренкелекне тулысынча төшерергә мөмкинлек бирмәде. Рөстәм Миңнеханов логистика мәсьәләләрен тикшерергә кушты, дип хәбәр итте ТР Рәисе матбугат хезмәте җитәкчесе Лилия Галимова.
Булган мәгълүматларга караганда, кайбер АЗСларда бензинны канистрларга җибәрүгә чикләүләр кертелгән. Ләкин ул бөтен җирдә дә үтәлми. Бу объектив сәбәпләр булмаган урыннарда күп километрлы чиратлар барлыкка килүгә һәм ягулыкның ясалма кытлыгына китерә. Бензинны канистрларга җибәрү башка автомобильчеләр өчен аның мөмкинлеген киметә.
Шуңа бәйле рәвештә республикада яшәүчеләрне автомобильләргә кирәк булганда гына ягулык салырга һәм төшенкелеккә бирелмәскә сорыйлар.
Бүгенге көндә ягулык станцияләренә ягулык кайтару график буенча бара. Запас җитәрлек.
Вести Татарстан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев