Сырья өлкәннәре бәйрәмнән рәхмәтле булып таралыштылар (+фоторепортаж)

Кичә күңелле җырлар, матур биюләр, ялкынлы котлаулар белән үтте. Иң элек өлкәннәрне авыл старостасы, әлеге чараны оештыручы Леонид Сапожников котлады. «Труд» җәмгыяте җитәкчесе Рашит Һадиев һәрбер өлкән кешегә рәхмәтен белдереп: «Хөрмәтле әби-бабайларыбыз, сез гомерегез буе хезмәттә кайнап, сугыш һәм сугыштан соңгы авырлыкларны иңнәрегездә күтәргән кешеләр. Безнең бүгенге якты киләчәгебез сезнең тырышлык белән ирешелгән. Шуңа да картлык көннәрегезне зур игътибарга, хөрмәткә төренеп яшәвегезне телим», диде. Бәйрәмнән соң һәрбер өлкән кешегә «Труд» җәмгыяте көче белән әзерләнгән күчтәнәчләр тулы пакетлар өләшенде. Килгән өлкәннәр бәйрәмнән күңел ачып, үзләрен шулай олуг хөрмәтләгәннәре өчен бик рәхмәтле булып кайтып киттеләр.