Элегрәк синоптиклар алты көн эчендә республикада айлык нормадан күбрәк явым-төшем булырга мөмкин дип кисәткән иде
Татарстанда федераль трассалар буенча хәрәкәт тулысынча торгызылган. 30 гыйнварда 8.00 сәгатьтән автобуслар һәм йөк транспорты өчен вакытлыча чикләүләр алынды, дип хәбәр итте «Волго-Вятскуправтодор».
Чикләүләр 29 гыйнварда 17.00 сәгатьтән гамәлдә булды һәм уңайсыз һава шартлары аркасында кертелде.
Элегрәк синоптиклар алты көн эчендә республикада айлык нормадан күбрәк явым-төшем булырга мөмкин дип кисәткән иде. Шуңа бәйле рәвештә Дәүләт автоинспекциясе торак пунктлардан читкә чыкмаска һәм шәхси автомобильләрдә йөрүдән баш тартырга киңәш итә.
Чыганак: Татар-информ
Нет комментариев