Татарстанда ярлылык дәрәҗәсен 2030 елга 3,1% ка кадәр киметергә планлаштыралар

Татарстан Министрлар Кабинеты ярлылык дәрәҗәсен киметү буенча төбәк программасының яңа редакциясен раслады. Коррупциягә каршы экспертиза уза торган документ нигезендә, 2030 елга максатчан күрсәткеч республикада 3,1% тәшкил итәргә тиеш.

Беренчел мәгълүматлар буенча, керемнәре ярлылык чигеннән түбәнрәк булган халык өлеше 2025 елда 3,3% тәшкил иткән.

Программа 2023-2030 елларга исәпләнгән һәм 2017 ел белән чагыштырганда ярлылык дәрәҗәсен ике тапкырга киметүне күздә тота (7,3%). 2025 елда җан башына уртача акча керемнәре 74 504 сумга җиткән (2024 елга карата 19,6% ка үсеш), ә уртача хезмәт хакы — 91 494,9 сум.

Реальное время