Тимур Халиков «Россиянең Үлемсез полкы» үзәк советы рәисе итеп билгеләнде
Хәрәкәтнең беренче җитәкчеләре - СССРның халык артисты Василий Лановой һәм армия генералы, хәрби тарихчы Мәхмүт Гәрәев
«Россиянең Үлемсез полкы» Бөтенроссия хәрәкәтенең Үзәк советының яңа рәисе итеп Тимур Халиков билгеләнде. Ул шулай ук Татарстан предприятиеләре һәм сәнәгатьчеләре Ассоциациясе генераль директоры урынбасары вазифасын башкара.
2017 елдан Халиков хәрәкәтнең үзәк штабында тора һәм аның Идел буе федераль округындагы эшен алып бара. Хәзерге вакытта ул ТР Рәисе каршындагы Табигый монополияләр субъектлары эшчәнлеге мәсьәләләре буенча тармакара кулланучылар советын җитәкли.
2015 елдан 2019 елга кадәр Тимур Халиков Татарстан Иҗтимагый палатасы Рәисе урынбасары, Ә 2019 елдан 2022 елга кадәр — ТР Президентының эчке сәясәт департаменты җитәкчесе урынбасары.
«Россиянең Үлемсез полкы» Гомумроссия хәрәкәте «Үлемсез полк» акциясен оештыручыларны һәм 202 халыкара координаторны берләштерә. Хәрәкәтнең беренче җитәкчеләре - СССРның халык артисты Василий Лановой һәм армия генералы, хәрби тарихчы Мәхмүт Гәрәев.
Вести Татарстан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев