ТР Юстиция министрлыгы махсус операциядә катнашучыларга ярдәм күрсәтте

Татарстан Юстиция министрлыгы хезмәткәрләре, аның җитәкчесе Рөстәм Заһидуллин җитәкчелегендә, махсус хәрби операциядә катнашучыларга шефлык ярдәмен җыярга һәм илтергә булыштылар. Бу хакта ведомствоның матбугат хезмәте хәбәр итә.

Егетләргә автомобиль, генератор, азык-төлек продуктлары, ноутбук, югары куәттәге автомойка, төзелеш инструментлары, оптоволокно һәм элемтә кабельләре, бер тапкыр кулланыла торган савыт-саба, медикаментлар, гигиена чаралары һәм документ әйләнеше өчен кәгазь тапшырганнар.

Агымдагы 2026 ел Татарстанда хәрби һәм хезмәт батырлыгы елы дип игълан ителде. Татарстан Республикасы Рәисе Рөстәм Миңнеханов бүген иң мөһим бурыч – хәрбиләргә социаль ярдәм күрсәтү өлкәсендә дә, шулай ук кешеләрнең кайгыртучанлыгын һәм игътибарын күрсәтү өлешендә дә ышанычлы тыл булдыру, дип берничә тапкыр белдерде.

Татр-информ