Кабачки в кляре: үзе тиз, үзе тәмле! (+фото)

Кабачкидан тиз генә әзерләнә торган кабымлык. Кабыгын әрчеп, кабачкины артык калын булмаган телемнәргә кисәбез. Коймак камыры рәвешенә китереп, кабачкиның күплегенә карап, өч йомырка, бераз су, төрле тәмләткечләр, тоз, он салып, камыр ясыйбыз. Телемләгән кабачкиларны шул камырга манчып, кызган майлы табада ике яклап кыздырабыз. Берьюлы ике табада да эшләп була. Сусыл булып, бик тиз пешә. Яраткан кешеләргә манып ашар өчен соус та ясарга була. Моның өчен сметана, майонез, үзегез теләгәнчә тоз, борыч, сыттырып, сарымсак, турап, яшел укроп салып болгатабыз. Тәмле булсын!