Чират яшелчәгә

Соңгы елларда бәрәңге игү буенча шактый нәтиҗәле эшләүче «Смәел» хуҗалыгында аны быел да җирдә дым күп чакта утыртып бетерделәр. Ул 60 гектарда игелә. «Невский» сортлысын «Престиж», «Рокко»ны «Максим» дигән препаратлар белән эшкәртеп утыртканнар. Орлыкларны бер үк вакытта минераль ашламалар да кертеп күмдергәннәр. Хәзер бу культуралар игүдә күп еллык тәҗрибәсе булган Равил Шәяхтәмов авыл кешеләренең бәрәңгесен утырта.
- 370 гектарда кукуруз чәчүне дә төгәлләдек, - ди хуҗалыкның игенчелек буенча баш белгече Тәбрис Зәкиуллин. - Яшелчә культуралары гына калып бара. Кызыл чөгендерне 2 гектарда үстерергә ниятлибез.