Авыл хуҗалыгы
Комбайнчылар Раушан Фәйзрахманов, Рамил Билалов, Мирвәт Галимуллин, Айнур Фәйзрахманов, Рәсим Мортазин, Илһам Абдрахманов, Раиф Нургалиев, Алмаз Гарипҗановлар көннәрнең әйбәт торуыннан уңышлы файдаланып калалар.
“Игенче” хуҗалыгы комбайнчылары соңгы бодай басуында алны-ялны белми эшлиләр (+фоторепортаж)
Кенәбаш авылы янында урнашкан 115 гектарлы басуда "Игенче" хуҗалыгының 8 комбайны "Львовская - 4" сортлы көзге бодайны турыдан-туры суктырып, кызу темплар белән урып-җыю эшен башкаралар.
- Көзге бодайлар шушының белән бетә инде, әлегә гектарыннан уртача 45 центнер уңыш чыгып бара. Бу культураны тәмамлаганнан соң арышка тотыначакбыз, - диде хуҗалыкның Кенә ягындагы управляющие Рәмис Абдрахманов.
Комбайнчылар Раушан Фәйзрахманов, Рамил Билалов, Мирвәт Галимуллин, Айнур Фәйзрахманов, Рәсим Мортазин, Илһам Абдрахманов, Раиф Нургалиев, Алмаз Гарипҗановлар көннәрнең әйбәт торуыннан уңышлы файдаланып калалар.
Игеннәрне ындыр табагына ташу өчен җитәрлек техника да куелган, янгын куркынычсызлыгын саклау максатыннан янгын сүндерү машинасы да кизү тора басуда. Комбайннар бер-бер артлы тезелеп басу айкый, артларыннан эшләренең сыйфатларын барып карасаң, басуда ялгыш кына төшелгән бөртекне дә табарлык түгел. Афәрин, игенчеләребез! "Кыр кораблары"гыз ватылмый, исән-сау эшләгез!
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев