Көшкәтбашның игеннәре үзешчәннәр дулкынында чайкала (фото)

Кичә Көшкәтбаш мәдәният йорты җитәкчесе Гүзәлия Хәсәнова җитәкчелегендә авылыбызның җыр-моң, нәфис сүз осталары кичке аш вакытында игенче егетләребез янында кунакта булып кайттылар. Алар игенчеләребезгә үзләренең матур җыр-биюләрен, нәфис сүз осталыкларын күрсәттеләр, авыр хезмәт вакытында аз гына булса да ял итәргә мөмкинлек бирделәр. Бодай басуына җыр-моң таралды, икмәге дә тәмле булыр Аллаһы боерса! Егетләргә урып-җыю чорында түземлек, сәламәтлек, беләкләренә егәр, йөрәкләренә дәрт телибез, дип хәбәр итә көшкәтбашлылар.

Менә бит, алар хәтта игенчеләрен дә җырлап-биеп кенә эшләтә. Һәрьяктан уңган-булган Көшкәтбаш халкына урып-җыю эшләрендә уңышлар телибез, зур тырышлык белән үстергән игеннәрен вакытында җыеп алулар насыйп булсын иде.