Санар вакыт (фото)

Бу өлкәдә һәр тиенне санап, аны кайсы тармакка юнәлдереп зуррак табыш алу турында гына түгел, ә булган мөмкинлекләрне тулысынча файдаланып, җибәрелгән ялгышларны вакытында төзәтеп, күләмле продукция һәм тиешле файданы алу турында фикерләшү вакыты күптән көн тәртибендә тора. Җитәкчелекнеӊ, белгечләрнеӊ алдынгы технологияләрне кулланып алга карап эш йөртүе дә иӊ кирәкле юнәлешләрнеӊ берсе булып кала. «Смәел» күмәк хуҗалыгына нәкъ шушы таләпләрдән чыгып район хуҗалык җитәкчеләре икътисад белгечләре белән бергә ачыктан-ачык фикерләшергә чакырылганнар иде. Бу җирлектә 200 млн. сумнан артыграк чыгымнар сораган мегаферма төзелеше барышын газета битләрендә таныштырып барган идек. Ниһаять, хуҗалык белгечләре бу корылманыӊ эшчәнлеге, аныӊ нинди үсешкә мөмкинлек тудыруы турында үз күзләре белән күреп, инана алдылар. Соӊыннан Смәел авыл мәдәният йортында 2015 елда район авыл хужалыгы терлекчелек тармагы үсешенә йомгак ясалды.

Тәкъдим ителгән чыгышлардан, таблицалардан караганда, дөрестән дә узып киткән ел район терлекчеләре өчен уӊышлы ел булган. Хуҗалыкларга ел дәвамында кергән 1 млрд. 931 млн. 997 меӊ сум керемнеӊ 1 млрд. 634 млн. 140 меӊ сум куләмендәгесе нәкъ терлекчелек өлкәсеннән кергәнен хисапласак, ягъни 85 проценты, бу тармакныӊ әһәмиятенә һәм мөмкинлегенә тагы бер кат инанасыӊ. Терлекчелектән иӊ зур керем - 147 млн. 815 меӊ «Татарстан»да, яӊадан ике хуҗалыкта бу керем 100 млн. сумнан артып киткән: «Яӊа тормыш»та ул 123 млн. 830 меӊ, «Дуслык» хуҗалыгында 114 млн. 800 меӊ сум тәшкил иткән.

Нәтиҗәле эшләгән 5 хуҗалыкныӊ терлекчелек өлкәсендәге акча кереме гомуми район күләмендәге кеременеӊ 36 процентын тәшкил итә. Димәк, һәр хуҗалык тигез дәрәҗәдә эшләсә, өстәмә керемнеӊ күпмегә артасын күзалларга була. Бу өлкәдә 2015 елда иӊ зур үсешне Тимирязев исемендәге хуҗалык күрсәтте, терлекчелектә акча кеременеӊ үсеше - 143 процент. Бу юнәлеш буенча «Маяк», «Борнак», «Смәел», «Яӊа тормыш» күмәк хуҗалыкларында узган чорда үсеш сизелерлек. Алда санаган кайбер хуҗалыкларныӊ шул ук вакытта гомуми акча кереме күләмен арттыру буенча эшлиселәре күп әле.

Район күмәк хужалыкларына 2014 һәм 2015 елда терлекчелек өлкәсеннән кергән акча кереме (меӊ сумнарда).

Хуҗалыклар исеме	2014 елда терлекчелек өлкәсеннән кергән акча кереме (меӊ сумнарда).	2015 елда терлекчелек өлкәсеннән кергән акча кереме (меӊ сумнарда).
Татарстан	147815	148714
Яңа тормыш	123830	104301
Дуслык	114800	102542
Кызыл юл	97145	87890
Труд	96788	86225
Кама	92874	94180
Тимирязев исем.	92186	64509
Бөрбаш	90140	81974
Игенче	89472	86921
Сорнай	81348	70300
Смәел	79544	65904
Маяк	78434	64485
Сосна	77712	71361
Якты юл	71341	61879
Алга	64783	74939
Активист	60828	63091
Тукай исем.	51776	47150
Арбор	51702	44135
Борнак	45217	37660
Уңыш	26 405	30910
Район буенча	1634140	1489070

Саннар район авыл хуҗалыгы һәм азык-төлек идарәсеннән алынды.

Калган фотоларны фотогалереяда каргыз.