Африка чумасына юл куймыйк

Шуңа да ТРның хайваннар дөньясы объектларын саклау һәм алардан файдалану идарәсе аучылар һәм урманга йөрүчеләр өчен шундый мәгълүмат җиткерә: әгәр дә урманда үле кабан дуңгызына тап булсагыз, бу хакта кичекмәстән район ветеринария берләшмәсенә хәбәр итәргә кирәк. Телефоннары: 2-59-57. Шулай ук барлык саклану чараларын күрү дә зарур: дуңгызларга читтән кертелгән азыкны ашатмау, Россиянең башка төбәкләреннән китерелгән яшь дуңгызларны сатып алмау, алган очракта да тиешле бөтен документларын кат-кат тикшерү, хайваннарның мәетләрен юл кырыйларына, чүплекләргә ташламау һәм башкалар. Бары әлеге таләпләр үтәлгәндә генә районыбызга Африка чумасы үтеп керә алмаячак. Әлеге чир бик җитди. Аннан дәвалау чарасы юк. 95-100 процент очракта ул үлем белән тәмамлана. Гадәттә, бу вирусны йоктырган дуңгыз 3-4 көн эчендә үлә. Африка чумасы белән йогышланган дуңгызда клиник билгеләр 2-22 тәүлек арасында сизелә башларга мөмкин. Чирнең беренче билгеләре - дуңгызның тән температурасы 41-42 градуска кадәр күтәрелү. Африка чумасы белән авырган дуңгызның сулышы ешая, тәне тимгел-тимгел кызара, кызыл сипкелләр күренә. Тәненең төрле урыннарында шәмәхә төстәге таплар пәйда була.

Фото: eveningkiev