Агу-химикатларны дөрес саклау турында, белгеч киңәше

Ашламаларны химия продукциясе икәнлеген истән чыгармыйча, аларны тиешле дәрәҗәдә саклауны оештыру зарури. Беренче чиратта аларны поддоннарга урнаштыру, ашламаларның төренә карап, штабельләрнең биеклеген арттырмау кирәк. Шулай ук ашламалар санитария нормативларына, һәм таләпләренә җавап бирерлек складларга урнаштырыла. Ул складларда орлык өчен салынган ашлык та, фураж максатында тупланган бөртек тә, техника да, төзелеш материаллары да булырга тиеш түгел.

Соңгы елларда хуҗалыклар ел дәвамында кайтарылган ашламаларны һәм химикатларны кулланып бетерергә тырышалар. Ләкин һава шартлары һәм башка сәбәпләр нәтиҗәсендә, кайбер химикатлар хуҗалык складларында кала. Шуны онытмаска иде, һәр төр химикатның үзенең саклану температурасы бар.Әгәр артык салкында торса, аларның тәэсире, нәтиҗәсе кими һәм аларны лабораториядә тикшермичә куллану рөхсәт ителми. Урыннардагы белгечләр югарыда әйтелгәннәрне истән чыгармасыннар иде.

Р.Низамиев,
"Россельхознадзор"ның җир күзәтчелеге

бүлеге дәүләт инспекторы.

Фото: http://udobreniya.info/promyshlennye/ammofoska/