Берәүләр арттыра, ә икенчеләре...

Ильнур, 14 июль 2013 - 15:17

2445

Бер булганнан гел була дигәндәй, «Татарстан», «Алга» җәмгыятьләре элек-электән районда сөт җитештерү буенча нәтиҗәле эш күрсәтеп киләләр.

Сөт сатудан кергән акчаның тәмен бик яхшы беләләр биредә. Кассага акча әйбәт кереп торгач хезмәт хакларын да вакытында биреп баралар, башка кирәк-яракка да кала. Көннәр кызу торуга карамастан, көндәлек игътибар үзәгендә тотып, ике хуҗалыкта да июль аенда да сөтне күп савалар. Июльнең беренче декадасында көн саен 2 тонна чамасы сөтне узган елгыдан күбрәк сатканнар.

Ләкин җәй уртасының яшел массага иң бай чорында кайбер хуҗалыкларда мөмкинлекләрне кулдан ычкындыралар. Мәсәлән, «Игенче», Тимирязев исемендәге хуҗалыклар июльнең беренче ункөнлегендә сөт сатуны узган ел шушы чордагыдан 1 тоннадан күбрәккә киметтеләр. Мондый чигенешне сөтчелеккә игътибар кимү нәтиҗәсе дип кенә аңлап була.