Чигенешләр югалтуга илтә

Ильнур, 12 ноябрь 2015 - 08:23

3746

Итне сөтне узган елга караганда ким җитештергән хуҗалыклар исәбенә быел ун айда район буенча 20 миллион 773 мең сум акча керми калды. Ягъни кайбер хуҗалыклар продукцияне былтыр ун айлык дәрәҗәдә генә җитештерсәләр дә, шуның кадәр өстәмә акча кергән булыр иде.

Югалтуның зур өлеше сөтчелеккә туры килә. «Уңыш»та узган елның ун аендагыдан 280 тонна сөтне ким җитештерү нәтиҗәсендә 5216 мең сум акча алынмый калды. Һәм тагын шундый өч хуҗалык бар:

Активист	158	2923
Татарстан	118	2267
Игенче	100	1843

Шул ук вакытта продукцияне узган елгыдан күбрәк җитештереп кенә дә зур суммада өстәмә акча алучыларның күп булуы сөендерә. Монда иң зур алгарышны Тимирязев исемендәге хуҗалык терлекчеләре ясады. 335 тонна сөтне былтырның ун аендагыдан күп җитештерү исәбенә 6 миллион 399 мең сум акча эшләделәр. Аннан кала мондый зур өстәмә алган хуҗалыклар түбәндәге сводкада:

Сорнай	242	4402
Алга	198	3649
Бөрбаш	201	3596
Яңа тормыш	186	3461
Смәел	195	3399
Маяк	185	3336
Дуслык	159	2946
Кызыл юл	146	2691
Якты юл	144	2625

Район буенча быел ун айда 1691 тонна сөт узган елның шушы чорындагыдан күп җитештерелде. Моңа өлешләре булган хуҗалыкларга барысы 30 миллион 709 мең сум акча керде. Узган елгы күрсәткечләр белән чагыштырганда итне күбрәк җитештерү нәтиҗәсендә алынган акча да аз түгел - 19 миллион 773 мең сум тәшкил итте. Ун айда 207 тонна мөгезле эре терлек ите узган ел шул чордагыдан күп җитештерелде. Сводкадагы беренче сан - быел ун айда узган елның шул чорындагыдан артык җитештерелгән сыер ите (тонналарда), икенчесе - аннан кергән акча (мең сумнарда)

Сосна	60	5852
Труд	26	2344
Смәел	25	2308
Алга	26	2139
Тимирязев ис.	22	2129
Татарстан	18	1738
Кама	14	1412
Яңа тормыш	13	1331
Маяк	13	1183
Игенче	14	1166

Әмма ит җитештерүдә дә минуска эшләгән хуҗалыклар булды һәм шуның нәтиҗәсендә район буенча 4 миллион 548 мең сум акча алынмыйча калды. «Дуслык» терлекчеләре ун айда узган ел шул чордагыдан 14 тонна сыер итен ким сатып, 1401 мең сум акчаны алып җиткермәделәр. Һәм тагын дүрт хуҗалык:

Дуслык	14	1401
Кызыл юл	11	1034
Активист	7	616

Уңыш 6 тонна, 404 мең сумлык итне былтыргыдан ким җитештерде. Әмма бу чагыштырулар гына быел ун айны узган елның шул чорына карата минус белән төгәлләгән хуҗалык терлекчеләре начар эшләгән дигән сүз түгел. Арада итне, сөтне бер үзе райондагы өч-дүрт хуҗалык кадәр җитештергәннәре дә бар. Сүз үткән елларга карата чигенеш ясаган саен күпме акча югалтуыбыз турында. Чыккан түгел, әз булса да кергән яхшы бит. Ун айда узган ел белән чагыштырганда чыкканы кергәннең яртысына җитә язган: плюска эшләгән хуҗалыклар терлекчелектән барысы 50 миллион 201 мең сум акча алсалар, минустагылары исәбенә 20 миллион 773 мең сум югалган.

Фото: http://barnaul.milknet.ru