Яңалык!

«Кызыл юл» хуҗалыгы яңалыклар кертү өстендә гел эшләп тора. Шуның чираттагысы — һәрбер шофер һәм механизаторның эшләрендә индивидуаль карта куллануы. Әлеге карта белән шофер һәм механизаторлар заправка ясаганда да куллана, шул ук вакытта терлек азыгы ташучылар мегафермада урнашкан үлчәүгә кергәннән соң, кабинадан төшмичә генә картаны камерага сузалар да, кемнең күпме йөк алып кайтканлыгы компьютер аша конторга хәбәр ителеп тора. Кадрлар белән килеп чыккан вәзгыятьне чишү юлы да булып тора бу. Чөнки силос салган вакытта хуҗалык тәүлек буе эшли, төнге вакытта үлчәүдә кеше булмаса да, терлек азыгы ташучыларның эше шушы карталар ярдәмендә ялт итеп алып барыла.