Казанда ярминкәләрне гөрләтәбез

Бүген Балтач районы уңганнары кабаттан башкала халкын үзебездә җитештерелгән азык-төлек белән сөендерде. 

Агросәнәгать паркында Яңа ел алды ярминкәләренең чираттагысында катнашабыз. Казанлылар Балтач сөте, сыер мае, сыр, бәрәңге һәм мөгезле эре терлек итен бик яратып ала. Шәхси эшмәкәрләр, фермерлар җитештергән товарларга да сорау зур, сатып алучылар көтеп алалар, чагыштыралар, рәхмәтләрен ирештереп китәләр. 

Ярминкәдәге эшчәнлегебезгә бүген Республикабыз Рәисе Рөстәм Нургали улы Миңнеханов та яхшы бәя бирде.

Ярминкәләрдә башкалада яшәүчеләр белән аралашып элемтәләребез тагын да ныгый. Сатып алучыларны якты йөз белән каршы алган ярминкәне оештыручыларга, җирлек башлыкларына, авыл хуҗалыгы оешмалары белгечләренә, рухи матурлыклык өләшүче мәдәният хезмәткәрләренә олы рәхмәтемне җиткерәм.