"Проволочник"тан ничек котылырга?

Бәрәңге чәчәк атканда "проволочник"ның иң активлашкан чоры. Бу вакытта туфракка ара-тирә бәрәңге кисәкләре күмеп куегыз. Аларны гел казып, личинкаларын алып торырга кирәк. Алдавыч җимне тиз генә табу өчен бәрәңгегә калын тимерчыбык кадап куегыз.

Тагын бер ысул: көзен туфракта бер генә бәрәңге дә калдырмаска. Яз көне исә, бәрәңге чәчкәнче, берничә урында оячыкларга бәрәңге кисәкләрен салып куегыз. Ул урыннарны да билгеләп куярга кирәк. Кортлар бу урынга азык эзләп киләчәк. Даими рәвештә казып, кортларны юк итеп торырга кирәк булачак.

Шулай ук, кайбер кешеләр "проволочник" күренгән урыннарга горчица сибәргә куша, дип яза Кызыл таң.

Фото: pixabai.com

Автор: Ример Насретдинов