Рамил Нотфуллин: "Балтач Яңа елга әзер" (+фоторепортаж)

Яңа ел алды рухы һәр җирдә сизелеп, бәйрәмгә Кыш бабай белән Кар кызы да килгән иде. Алар райондашларыбызны якынлашып килүче бәйрәмнәр белән ихластан котлап, киләчәктә һәркемгә уңышлар теләделәр.

Ярминкәдә Рамил Нотфуллин сәүдә барышын күзәтеп, район авыл хуҗалыгы һәм оешма-предприятиеләре, эшмәкәрләр җитештергән товар-продукцияләр белән танышты, шәхси хуҗалыкларда җитештерелгән товарларның ни дәрәҗәдә сатылуы хакында сорашты, сыйфат ягы белән кызыксынды, бәяләргә игътибар бирде һәм Балтач Яңа елга әзер дигән фикергә килде. Чөнки биредә сөт тә, май да, ит тә, ашлык та, каз да, салам да, печән дә, хәтта тайлар һәм бозаулар да сатылды.

Иртәнге сәгатьләрдән үк халык бик актив булды. Ярминкәгә бистә халкы гына түгел, авыллардан да килгәннәр. Бүген шулай ук Чепья авылында да ярминкә булды. Ике җирлектә узган ярминкәдән һәркем канәгать калып, үзләренә кирәкле продукцияне ала алганнардыр дип ышанып калабыз. Чөнки мондый ассортимент берәүне дә битараф калдырырлык түгел.