Санкт-Петербургта республика фермерларының экологик чиста һәм натураль продукциясе белән «Татар йорты» ачылачак
«Санкт-Петербургта Татарстаннан теләсә кайсы фермер үз продукциясен сата ала», - диләр Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллегендә.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, 19 октябрьдә Санкт-Петербургта «Хасанский» дәүләт универсаль базарында авыл хуҗалыгы залы бинасында гадәттәге көзге “Уңыш - 2019” бәйрәме узачак һәм шунда “Татар йорты” үз ишекләрен ачачак.
Санкт‑Петербургның Красногвардейский районы администрациясе, Татарстан Республикасы Азнакай районы администрациясе һәм Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллеге ярдәмендә базарда Татарстан Республикасы җитештерүчеләренең экологик чиста азык-төлек продукциясе белән “Татар йорты” экомаркетын ачу тантанасы була.
Фестивальне ачу тантанасында Санкт-Петербургның Сәнәгать сәясәте, инновацияләр һәм сәүдә комитеты, Красногвардейский районы администрациясе вәкилләре, эшкуарлар һәм җәмәгатьчелек вәкилләре катнаша.
«Санкт-Петербургта Татарстаннан теләсә кайсы фермер үз продукциясен сата ала», - диләр Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллегендә. “Татар йорты” экомаркеты белән хезмәттәшлек итү буенча тәкъдимнәр Татарстан Республикасы Даими вәкиллегендә (812) 323-12-27 телефоны аша кабул ителә.
Бәйрәмне уздыру урыны: Санкт-Петербург, Хасанский урамы, 15 йорт, «Хасанский» базары.
Бәйрәмне ачу тантанасы 2019 елның 19 октябрендә 12.00 сәгатьтә булачак.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев