Сөт булуныӊ хикмәте бозауда

Кысыр калган сыерны күпме тәрбияләсәӊ дә, аныӊ биргән сөте бозау китергән малкайныкы кадәр булмаячагын яхшы беләбез. Димәк, сыерларныӊ вакытында бозаулавы сөтчелек тармагы үсешенеӊ нигезе, дип әйтергә тулы хакыбыз бар. Районда 1 августан 25 ноябрьгә кадәр 3525 баш бозау алынган, шуныӊ 650 се ноябрь башында булган. Шушы чорда иӊ күп бозау «Татарстан» хужалыгында алынган - 274, «Дуслык»та - 244, «Бөрбаш»та - 237, Тимирязев исемендәге хужалыкта -234, «Сорнай»да - 226, «Игенче»дә - 205 һәм «Маяк»та 200 бозау. Әмма күп хуҗалыкларда бу мәсьәләгә тиешле караш булдыру тәләп ителә әле.