ТР Икътисад министрлыгы корылыктан зыян күргән аграрийларга ярдәм чараларын гамәлгә ашыра

Россиянең үзәк полосасында урнашкан начар һава шартлары Татарстан аграрийлары эшенә төзәтмәләр кертте. Зыянны киметү өчен республика җитәкчелеге кайбер идарә карарларын, шул исәптән авыл хуҗалыгы җитештерүчеләренә финанс ярдәме чараларын кабул итте. Татарстан Республикасы Икътисад министрлыгына караган "Татарстан Республикасы Эшкуарлыкка ярдәм итү фонды" коммерциячел булмаган микрокредит компаниясе "Корылык" махсус микрофинанс продуктын эшләде. Шулай ук Татарстан аграрийлары гарантия ярдәменнән файдалана алалар.

Программа шартлары буенча, бурычка алучының бизнес алып бару өчен теләсә нигезле чыгымнары өчен заем бирелә. Микрозайм суммасы елына 4,5% белән 3тән 24 айга кадәр 300 меңнән 5 млн сумга кадәр тәшкил итә. Финанслау үз эшчәнлеген гадәттән тыш хәлләр режимы кертелгән муниципаль районнар территориясендә гамәлгә ашыручы авыл хуҗалыгы җитештерүчеләре өчен дә ачык.

Шул ук вакытта бурычка алу өчен эшмәкәр Татарстанда теркәлгән һәм төп эш төрләре исемлегендә  түбәндәгеләр булырга тиеш:

-берьеллык культуралар үстерү;

- күпьеллык культуралар үстерү;

-терлекчелек;

-катнаш авыл хуҗалыгы;

- авыл хуҗалыгы культураларын җитештерү һәм авыл хуҗалыгы продукциясен урып-җыюдан соң эшкәртү өлкәсендә ярдәмче эшчәнлек.

Моннан тыш, Татарстан Республикасы Гарантия фонды тарафыннан «Авылда эшкуарлык» дигән ташламалы продукт эшләнде. Конкурста авыл җирлегендә эшчәнлек алып баручы КФХлар, ШЭ, кооперативлар һәм эшмәкәрләр катнаша ала. Әлеге продукт буенча фондның поручительлек күләме кредит суммасының 70%ын тәшкил итә. Минималь ставка - 0,5%, Гарантия фонды поручительлегенең максималь суммасы 5 млн. сумга кадәр.

Икътисад министрлыгы, Татарстан авыл хуҗалыгы министрлыгы белән берлектә, авыл хуҗалыгы предприятиеләренә гамәлдәге кредитларны реструктуризацияләү һәм озайту мөмкинлеген бирү өлешендә коммерция банклары белән даими эш алып бара.

Тулырак мәгълүматны яисә консультацияне 8 (843) 524-90-90 телефоны буенча "кайнар линия"гә мөрәҗәгать итеп, яки fpprt.ru сайтында бизнес өчен ярдәм чаралары буенча мәгълүмат алырга мөмкин, Татарстан Республикасы Гарантия фондының рәсми сайты https://www.garfondrt.ru/, ТР Гарантия фондының телефон номеры 8(843) 293-16-94

Чыганак: mert.tatarstan.ru

Фото: баш мөхәррир