Әйдә барыйк, базар карыйк

Ильнур, 3 ноябрь 2015 - 05:08

3766

Көзнеӊ башыннан райондашларыбыз Казанга барып шәһәр халкын арзанлы авыл хуҗалыгы товарлары белән тәэмин итү йөзеннән берничә тапкыр ярминкәдә катнаштылар.

Ите-мае, сөте, пешкән ризыклары, төрле чәчәк балллары, чәйләре-пылаулары белән оештырган бу чаралар шәһәр халкы күӊеленә хуш килде. Хәер, райондашларыбыз да мондый бәйрәмнәрдән мәхрүм калмадылар, октябрь башында олылар декадасы кысаларында Балтач һәм Чепьяда оештырылган ярминкәләр гөрләп торды. Район башлыгы Рамил Нотфуллин кабул иткән карар нигезендә 7 ноябрь көнне иртәнге сәгать 8дә Балтач бистәсендә һәм Чепья авылында ярминкәләр яӊадан Сезне көтә.