Балтачта быел кыр батыры исеменә кем лаек булды?

Быел районыбызның кыр батыры исеменә чәчү алдынгысы — «Татарстан» хуҗалыгы механизаторы Азат Хәбибуллин лаек булды.

Азат NewHolland тракторын иярләп 1290 эталон гектарда язгы кыр эшләрен башкарган.

Шулай ук алдынгылар сафын агымдагы елның биш ае нәтиҗәләре буенча иң мул сөт савып алуга ирешкән уңган сыер савучылар — «Смәел» авыл хуҗалыгы җәмгыятеннән Екатерина Пиляева һәм "Яңа тормыш"тан Гөлсинә Зарипова тулыландырды.