Балтачта силос салуга старт бирелде

Зәлия Фәйзрахманова, 12 сентябрь 2025 - 14:46

285

Район буенча барлыгы 8290 гектар мәйданда кукуруз игелә

Бүгенгә районда тулаем 112667 тонна икмәк суктырып алынды. Уртача уңыш гектардан 46,7 центнер тәшкил итә. Шул ук вакытта көзге чәчү эшләре дә инде төгәлләнеп килә. 5408 гектарда уҗым культуралары чәчелде, янәдән 80 гектар чәчәсе калды. Шушы эшләр белән беррәттән тагын бер зур һәм мөһим эш – силос салуга старт бирелде.

Район буенча барлыгы 8290 гектар мәйданда кукуруз игелә. Бүгенге көндә «Татарстан», «Дуслык», Тимирязев исемендәге, «Маяк», «Сосна», «Якты юл», «Кызыл юл», «Активист», «Труд», «Арбор», Тукай исемендәге җәмгыятьләре силос салу эшләрен башлап җибәрделәр. Әлегә барлыгы 29735 тонна силос тупланган килеш. Бер үк вакытта басулардан салам җыю, җир эшкәртү, туңга сөрү дә дәвам итә.

Бу эшләр барысы да авыл хуҗалыгында кызу эш чоры булуны күрсәтә. Инде көзге һава торышы гел кояшлы көннәрдән генә тормаса да, ара-тирә яңгырлар явып китеп, эшне туктатып торса да, җир улларыннан һәрбер минутның кадерен белеп, эшне сыйфатлы итеп башкару сорала.

Хуҗалык-лар исемлеге	Барлык чәчелгән мәйданнар, гектарларда	Җыеп алынган мәйданнар, гектарларда	Тупланган силос, тонна-ларда
Татарстан	656	152	5942
Дуслык	500	92	4563
Игенче	600	0	0
Тимирязев исем.	571	123	2874
Сорнай	400	0	0
Бөрбаш	500	0	0
Маяк	500	25	720
Сосна	613	138	4007
Яңа тормыш	350	0	0
Якты юл	450	12	375
Смәел	400	0	0
Кама	316	0	0
Кызыл юл	650	83	4038
Активист	400	90	3802
Труд	500	85	2955
Алга	113	0	0
Арбор	350	5	163
Борнак	120	0	0
Тукай исем.	301	21	296
Уңыш	-	-	-
КФХ	-	-	-
Барлыгы	8290	826	29735