Балтачта урып-җыюның өченче атна нәтиҗәләре буенча вымпеллар тапшырылды

Бүген урып-җыюның өченче атна нәтиҗәләре буенча вымпеллар тапшырылды.

Беренче төркем комбайннар арасында бу юлы беренчелекне «КЗС-812» маркалы «кыр корабы»н иярләүче Нурислам Сабирҗанов алды.

Икенче төркем комбайннар арасында «Акрос-550» маркалы комбайнда эшләүче Ленар Муллагалиев («Борнак» җәмгыяте) җиңүче булып танылды.

Өченче төркем җиңүчесе — «Клаас Тукано — 450» комбайнында хезмәт куючы Алмаз Гарифҗанов («Игенче» хуҗалыгы).

Өченче атна нәтиҗәләре буенча алдынгы шофер булып, «Арбор» җәмгыятеннән Нурулла Әскаров танылды.