Сөткә бәяләр ни өчен төшкән

Татарстанда һәм Россиянең башка төбәкләрендә декабрьдән сөтнең уртача сатып алу бәясе төште. Сәбәбе-республикада һәм тулаем илдә сөт продукциясенең гомуми запаслары арту. Бу хакта Татарстан Республикасы Авыл хуҗалыгы һәм азык-төлек министрлыгы башлыгы Марат Җәббаров республика Хөкүмәт Йортында узган киңәшмәдә хәбәр итте.

Республиканың сөт эшкәртү предприятиеләре складларында сөт продукциясе Запасы 8,7 мең тоннадан артып китте, шул исәптән ак май — 2 мең тонна, сыр — 5 мең тоннага якын, коры сөт-1,1 мең тонна. Бу 2025 елның шул ук чоры белән чагыштырганда 40% ка күбрәк, дип ассызыклады министр.

- Запасларның артуы җирле сөт продукциясенә бәяләрнең югары булуы һәм Беларусь Республикасыннан сөт продукциясен түбәнрәк бәяләрдән сату күләмнәренең артуы белән бәйле, - дип өстәде Җәббаров.