«Сорнай»да эш кайный (+фоторепортаж)

Инде 5 ел икмәк кырын гизгән, һәр шөребен кулыннан үткәргән комбайны да, армия сафларыннан кайткан булдыклы ярдәмчесе Рәмис Гыйләҗев та бу максатка бердәм кушылып эшлиләр сыман. 37 ел комбайн штурвалы артында, хезмәт юлын СК-4 комбайныннан башлаган Илдусныӊ урып-җыюлар турында искә төшерсә, хатирәләре калын китап язарлык. Ике малаен да, 5 классны тәмамлагач, үзеннән калдырмады ул. Олысы Дилүс - 5 ел, икенчесе Динар 6 ел әтиләре янында ярдәмче булып эшләделәр. Дилүс Казанда, хокук саклау органнарында эшли, көндәлек эш барышы белән кызыксынып тора икән. Арып-талып кайтып кергәч, ардыӊмы, эшли алдыӊмы соӊ, дип өйдәгеләр каршы алгач, яӊадан хәл кергәндәй була, күӊел үсә, ди Илдус. Күз тимәсен, әлегә хезмәт күрсәткечләре буенча алдынгылар сафында ул.

«Сорнай» хужалыгы кырларында яӊадан ике «ДОН-1500», бер «Полессе» комбайны эшли. Һәр комбайнчы үз эшен намус белән башкара, ди хужалык рәисе Тәүфыйк Гыйлаҗев. Комбайнчылар янында көне-төне хужалыкныӊ баш агрономы, 30 нчы елын игенчелек өчен турыдан-туры җавап бирүче Фәрит Мөхәммәтҗанов, аныӊ белән бергә 16 ел агроном булып эшләүче Илшат Заһидуллиннар булалар. Басуларны көзге чәчүгә әзерләү өчен саламнарны җыеп алу да яхшы оештырылган монда. Без барган басуда Евгений Яковлев һәм Михаил Плотников җитез-җитез саламнарны рулоннарга төрәләр иде. Урып-җыюда һәр эш вакытында башкарылырга тиеш, бу турыда «Сорнай» хужалыгында яхшы беләләр һәм шулай эшлиләр дә.