Арлыдоосты шумпоттӥзы

Сое отец Владимирлэн ӵектэмезъя воскресной школаын дышетскисьёс но соослэн дышетӥсьёссы радъязы. Та нуналэ службае лыктэм арлыдоосты ческыт ӝӧкен пумитазы, нылпиос кылбуръёсты веразы, кырӟан но быдэстӥзы.
— Туж шулдыр пукимы, милемлы ваньмыз туж кельшиз. Арлыдоосты гажало, сӥлы каро бере, со шумпотымон. Нылпиос но ӟечкылазы, отец Владимир но шуныт мылкыд каронъёссэ вераз. Нылпиослэсь выступлениоссэс кылзӥськеммы бере, асьмеос но, ӟуч но удмурт кылын егит дыръя кырӟам кырӟанъёсмес тодамы вайыса, кырӟамы. Огъя вераса, ужрад тунсыко пӧрмиз, — праздник сярысь мылкыдъёссэс веразы арлыдоос.