«Азьлане» празднике ӧте

Ӵукна 9.00 часэн Балтасьысь почта отделениын «Абонентлэн нуналэз» ортчытӥськоз. Татын тӥ, «Азьланелы» гожтӥськем сяна, пӧртэм призъёс но утыны быгатоды. 2016-тӥ арлэн кыкетӥ паларезлы «Азьлане» газетлы гожтӥськем квитанциоссэс редакцие лэзем лыдӟисьёсмы пӧлын лымшор бере сахар песок но шудытӥськоз. Озьыен, шуд пальпотӥз ке, та нуналэ газетмылы гожтӥськем абонентъёсмы но кык полэс кузьым утыны быгатозы. Таӵе луонлыкез киысьтыды эн лэзе. Тӥледыз 15-тӥ июнь нуналэ витиськомы. Лыктэ, «Азьланелы» гожтӥське, кузьымъёс утоды!