Газетмылэн юбилеезлы сӥзем конкурсъёс

Газетлэн юбилеез — со редакциын ужасьёслэн гинэ ӧвӧл, лыдӟисьёслэн но праздниксы.

Укмыстон ар ӵоже лыдӟисен вачевераськыны, эшлыко кусыпъёсты утьыны быгатыны котькыӵе газетлэн кужымез уг сузьы. Соин ик данъяськыса вераны быгатӥськом: «Азьлане» тросэзлы вожъяськымон улон сюрес ортчиз. 

Газетлэн ужась коллективез, ветеранъёс, ортчем сюрессы шоры, кудӥз вольыт но капчи ӧй вал, данъяськыса учкыны быгато. Газет поттонын тыршем кӧня ке поколениысь адямиослэн талантсы но сюлмысь ужамзы юрттӥз та дыр сюресэз данэн ортчыны, оскыса но шумпотыса азьпала вамыштыны.

Милям туж потэ, газетмылэн юбилеез ми понна гинэ ӧвӧл, нош тӥ понна но, гажано лыдӟисьёс, вунонтэм мед кылёз шуыса. Соин нимысьтыз тӥ понна кӧня ке тунсыко конкурсъёс ялӥськом но мыло-кыдо пыриськыны ӧтиськом. 

Нырысетӥез конкурсмы — «АЗЬЛАНЕЛЫУКМЫСТОН»
«Азьлане» газет сярысь акростих малпано. Акростихлэн куронэз — котькуд чурлэн кутсконэз «АЗЬЛАНЕЛЫУКМЫСТОН» пӧрмытыны кулэ. 

Кыкетӥ конкурсмы — «Азьлане в объективе». «Азьлане» газетэн тунсыко туспуктэмъёстэс милемлы келялэ. Туспуктэмъёс газетын, ёрос газетлэн Baltaci.ru сайтаз но ВКонтакте мерлыко вотэсын потозы. Тужгес оригинальной туспуктэмлэн авторез конкурслэн вормисез луоз. 

Куинетӥ конкурс — «Пинал газетчи». Та конкурсамы ми гожъяськыны яратӥсь пиналъёсты ӧтиськом. Соослэсь эрико темаен гожтэм статьяоссэс, интервьюоссэс, кыӵе ке ужрадысь репортажъёссэс но мукет ужъёс витиськом.

Ньылетӥ конкурс нимаське «Шедьты монэ, яке ватскем вазиськон».
Таиз конкурсмы аспӧртэмлыко йыртӥян луэ. Ужпум таӵе: туннэ нуналысен ми «Азьлане» газетын шифровать карыса нимысьтыз вазиськон поттомы. Нош тӥ, гажано лыдӟисьёс, со вазиськонэз газетысь шедьтоно луоды. Нялтас вераса: вазиськон быдэсэн сётэмын уз луы, нош газетлэн кӧня ке номерезлы люкиськоз. Озьыен, ватскем вазиськонэз шедьтон понна «Азьлане» газетлэсь котькуд номерзэ пыр-поч лыдӟоно луоз. 

Конкурсын вормисьёсты кузьымъёсын пусъён газетлэсь юбилейзэ пусъён нуналэ луоз. 
Ужъёсты ваёно луоз ёрос газетлэн редакцияз, кудӥз таӵе адресъя интыяськемын: Балтась каргурт, Ленин урам, 91-тӥ юрт, 2-тӥ этаж, дубляжъя кабинет. Озьы ик ужъёсты луэ келяны BaltasiRed2005@yandex.ru электрон почтае но темаяз «Азьлане» конкурс" шуыса гожтыса.